3 baahona butandu ya rukururana omururembo Mbarara

3 baahona butandu ya rukururana omururembo Mbarara

N’ebya Fred Turyakira

Abantu 3 abarimu omuvugi w’ekimotoka kyarukururana eky’ekika kya Mercedes Actros baahona butandu bwanyima ya motoka yaabo kuteishuka aharuguuto ahari Makenke haihi na Coca Cola aha Northern Bypass omururembo Mbarara akasheeshe k’eriizooba.

Omwe omubaaba bari omumotoka egi kandi hoona owaamanywaho erya Benson, yaagambira TV West ngu tureera ya Mercedes Actros ehandiikire omu namba KBU 837H eya kampuni erikugura ebintu, eya Yebo, yaaba neeruga Kamapala erikuza omumahanga agatuhereire beitu omuvugi yaahinduka kubi bwanyima y’okuhika aha rawunda ya Makenke -Coca Cola

Omuvugi ku yaagyezaho kugaruka kuhinduka, yaremeererwa ekimotoka nikwoa kuruga aharuguuto kikateera omumufuregye nigwo kugwa ahagati y’oruguuto.

Bamwe ahaminyeto baahika ahamwanya ogu n’ebintu by’okutangiriza amajuta g’ekika kya Diesel agaaba nigaruga omukimotoka eki.

Ahi twahikiraho kukushakira amakuru aga, Poorisi yaaba eriyo negyezaho kwiha ekimotoka eki omuruguuto

#WestUpdates