Pooriisi ezoire enamba z’ebiruka 6 omuri Gayaza, Kampala. Photo by Charles Etukuri.

N'ebya Charles Etukuri

GAYAZA, KAMPALA

Pooriisi aharw’okubanza neegira ngu ezoire enamba 7 za motoka na piki zinagire omu kishaka aha ruguuto orwa Gayaza omu mwanya ogumanyirwe nka Kumbuzi.

Omuhwezi w’omugambirizi wa Pooriisi ya Kampala n’emyanya egheriire, Luke Owoyesigyire naagira ngu enamba za motoka zizoirwe nyomwebazyo omu muhiigo n’ehururu ekozirwe ab’ekitongore ky’enguuto omu eihanga ekya Uganda National Roads Authority (UNRA).

“Tiimu yaaba UNRA emanyiise omu Pooriisi w’ebyahanguuto orikujunanizibwa aha Pooriisi ya Kasangati akwataniise n’abakuru abandi abaizire omu bwire, Enamba za motoka ezizoirwe zitwirwe aha Pooriisi ya Kasangati obwo okucondooza kurikugyenda omu maisho kumanya bakama b’enamba z’emotoka,” Owoyesigyire arikushoborora.

Nakyoreka ngu tihaine muntu weena owakwatsirwe kandi nayongyeraho ngu nibeija kumanyisa abantu ekirikugyenda omu maisho bwanyima y’okuheza okucondooza.

Zimwe aha namba ezizoirwe ezi omunyamakuru weitu abaasize kureebaho harimu; UAJ 254G, UAP 850B, UAY 984B, UAV 521N, UAN 760Y hamwe na UAX 731P.
 
Eki nikijaho omu bwire obu obushuma bw’enamba z’emotoka burikweyongyera ahi abashuma barikwiha enamba aha motoka nainga piki piki na bwanyima bakatandika kushaba mukama waayo esente kuza kumugambira ahi enamba egi eri.

Okurugiirira ahari Michael Kananura, Omugambirizi wa Pooriisi y’ebyahanguuto- bakama b’enamba ezizoirwe baine kwija aha Pooriisi n’obuhame oburikworeka ngu enamba n’ezaabo.

#WestUpdates