Omugambirizi wa Pooriisi ahabw'ekyanga ekya Albertine, Julius Hakiza.

N’ebya Tumusiime Emanuel

KAKUMIRO

Pooriisi omu disiturikiti eya Kakumiro eriyo necondooza omushango gw’omukazi kutuntuza omwana ou ari muk’ishe arikumutura okuruga ah’eishomero akyerereirwe.

Julius Hakiza, Omugambirizi wa Pooriisi ahabw’ekyanga ekya Mwitanzigye, naagamba omukazi otutwize omwana ogu nka; Melony Kyasiimire, 20.

Hakiza naagira ngu Kyasiimire akoreise omusumaari gurikwosya kwosya omwana ogu aha nda nikwo kutunga obuhuta.

Ekikorwa eki nikigamba kuba kibaire omu kyaro kya Kaboijana omu gomborora eya Igayaza omu disiturikiti eya Kakumiro aha biro 18/11/2023.

Omushango ogu guhababirwe aha Pooriisi omuntu ohuriire yakwatwaho bwanyima y’okureeba ebironda ebi omwana ogu atungire byatandika kweyongyera kutana.

#WestUpdates