Purezidenti Museveni yaaza omu eihanga rya Russia kwegaita aharukiiko ahagati ya Russia na Africa..(Photo by PPU)

Purezidenti Museveni yaaza St. Petersburg omu rukiiko ahagati ya Russia – Africa

N’ebya Omushaki Waitu

Purezidenti Yoweri Museveni eriizooba yaaza Russia kwegeita ahabeebembezi abandi ab’amahanga ga Africa omu rukiiko ahagati ya Africa na Russia.

Purezidenti Museveni ahakishaayi ky’enyonyi ekya Entebbe yaaba ashendekyerezibwe Minisita w'obwa ’urezidenti, Babirye Milly Babalanda, Lucy Nakyobe Mbonye, Gen. Wilson Mbasu Mbadi n’abandi bakuru.

Purezidenti Museveni yaheeza kuhika ahakishaayi Enteebe eriizooba...(Photo by PPU)

Purezidenti Museveni naija kugaaniraho na Purezidenti wa Russia, Vladimir Putin ahanshonga zitari zimwe na zimwe.

Naija n’okugambaho n’abeebembezi abandi bwanyima y’orukiiko oru.

Purezidenti Museveni n'abandi bakuru ahakishaayi Entebbe..(Photo by PPU)

Orukiiko oru nirwija kuba omu St. Petersburg omuri Russia kwiha Orwakana nyencakare kuhisya Orwakataano.

Zimwe ahanshonga ezibarikwija kugambaho harimu eby’enkwatanisa omuby’entaasya hamwe n’okuhendera orutaro ahagati ya Russia na Ukraine.

Uganda etwire nekoragana na Russia kuruga kare.

#WestUpdates