Nitwenda abeebembezi abaine oburyo- abateezi b’akaruuru omuri Ankole.

N’ebya Omushaki weitu

ANKOLE

Okucondooza okukozirwe ekitongore ekya ART Times omu kyanga ekya Ankole nikworeka ngu ba MPs abashaija abari omu ntebe obwa hati babaasa kusingwa omu karuuru ka NRM ak'okutoorana abakwasi b'ebendera.

ARK Times n'ekitongore ekirikureebuuza eby'oburuuru omu kyanga ekya Ankole.

Ronald Kyamadidi, Owatandikireho ekitongore eki nagira ngu abantu abu baaburiize omu kyanga eki babagizire ngu ba MPs abaingi kubaherize kusinga akaruuru ka 2021 babura kubakorera nk'oku babaraganiise ngu abamwe bagarukire kubaijuka obwire bw'akaruuru.

Ebi yabigambira aha Las Vegas omuri Mbarara aha kushohoza ebirugire omu kucondooza kwabo aha ku ba MPs abashaija bemeriire omu by'obwebembezi omuri kyanga eki.

Kyamadidi yagira ngu abateezi b'akaruuru babagizire ngu nibenda abeebembezi abarikwija kubahisyaho obuheereza nk'obw'amaizi, amashanyarazi, enguuto n'ebindi beitu batari abarikubaraganisa embeho.

Ebi yabigambira aha Las Vegas omuri Mbarara aha kushohoza ebirugire omu kucondooza kwabo aha ku ba MPs abashaija bemeriire omu by'obwebembezi omuri kyanga eki.

Nabwo, yashaba abanya-Uganda okuteera akaruuru k'obusingye.

Okucondooza oku kukozirwe omuri za disiturikiti nka; Mbarara, Rwampara, Isingiro, Ntungamo, Sheema, Bushenyi, Mitooma, Rubirizi, Buhweju, Ibanda, Kazo, Kiruhura na Mbarara City.

Akaruuru ka NRM ak’okutoorana abakwasi b’ebendera ahantebe y’abany’eishengyero omu Uganda nikeija kuteerwa ebiro 16.07.2025.

#WestUpdates