Purezidenti Museveni yakuza aba Pooriisi 5 abakuru. Police Photos.

N’ebya John Masaba

KAMPALA

Purezidenti Yoweri Museveni kandi Omuduumizi mukuru w’amahe g’eihanga yakuza aba Pooriisi 5 bakuru.

Bamwe omu bakuzibwa barimu Dayirekita w’ekitongore kya Pooriisi y’eby’ahanguuto, Lawrence Nuwabiine owayihwa ah’eidaara ry’obwa Senior Commissioner of Police (SCP)  akateebwa ah’eidaara erya Assistant Inspector General of Police (AIGP) .

Abandi abakuzibwa barimu; Dayirekita w’ekitongore kya Pooriisi erikuraaza omuriro Stephen Tanui, Dayirekita wa Pooriisi ey’enshonga z’amahanga g’aheeru Joseph Obwona, Omuhwezi wa Dayirekita w’ekitongore ekya Logistics and Engineering Geoffrey Musana hamwe na James Apora, dayirekita w’ekitongore ekya Logistics and Engineering.

Aba boona hati bateebwa ah’eidaara errya AIGP kuruga ah’eidaara erya SCP.

Ebi byarangiirirwa Omugambirizi wa Pooriisi, Rusoke Kituuma omu rukiiko rw’ebitongore by’okwerinda orwa buri wiiki. Orukiiko oru rwaba aha kitebe kikuru kya Pooriisi omuri Naguru, Kampala eriizooba ebiro 02.12.2024.

#WestUpdates