Purezidenti Museveni hamwe n'abajwekyerwa kuruga omu eihanga erya Democratic Republic of Congo. PHOTOs by PPU.

N’ebya Omushaki weitu

Purezidenti Yoweri Museveni atungire obutumwa bw’omutaano kuruga owa Purezidenti mutaahi we owa Democratic Republic of Congo, Felix Tshisekedi.

Obutumwa bwa Tshisekedi burikuza ahari Museveni buhairweyo entumwa ya DRC omu Uganda kandi minisita w’enshonga z’aheeru, Therese Kayikwamba Wagner nyomwebazyo. 

Kayikwamba abaire ashendekyereziibwe Alexis Gisaro Muvunyi, Minisita w’eby’enguuto omuri DRC.

Omurukiiko orubaire aha maka g’obwa Purezidenti, Entebbe- Purezidenti Museveni n’abagyenyi be kuruga DRC bagaaniire ahanshonga nyingi ezirimu okureetaho obusingye n’obutebeekana omu kyanga eki.

Purezidenti Museveni asiimire encwamu ya Purezidenti Tshisekedi ey’okwegaita aha mukago gw’amahanga ga East Africa (East African Community). 

Ahabwire Tshisekedi okukoresa omugisha ogu okutaho entebeekanisa z’okumariraho kimwe okurwana okureeba ngu yareetaho obusingye n’obutebeekana omuri DRC n’ekyanga ekya East Africa okutwariza hamwe.

Purezidenti ayongiireho ngu we aruho kureeba ngu yaguma nataho ebiganiiro na Purezidenti Tshisekedi oteireho n’abeebembezu abandi ab’amahanga ga East Africa.

Kayikwamba asiimire Purezidenti Museveni ahabw’obushagiki bwe n’okuba omwebembezi w’obwengye. Araganiise okwehayo kwa Purezidenti Tshisekedi kukwatanisa na Uganda kureeba ngu bahikiriza ebigyendererwa byabo.

#WestUpdates