Taxi etomiire abaana 2 bafeeraho- Kikuube.

Taxi etomiire abaana 2 bafeeraho- Kikuube.

N'ebya Beth Akatukunda

Ekyekango n'okutiina bishwekiire abatuura ba Mairirwe omu gomborora eya Buhimba omu disiturikiti eya Kikuube bwanyima y'emotoka ya taxi ebaire eri aha siipidi y'amaani kutomera abaana 2 bakafa.

Abagyenyi bamanyirwe nka: Bridget Atuhaire, 9 na Trevor Murungi, 14, boona abaana ba Brown, dureeva kandi omutuura wa Kibararu omu gomborora eya Buhimba.

Okurugiirira ahari ceeyamaani w'ekyaro kya Mairirwe, Amon Byamukama- butandu egi aha ruguuto orwa Hoima-Fort Portal bwanyima ya dureeva wa taxi ehandikirwe omu namba ya UBM 463G kuremwa kuheta ekoona.

Nayongyeraho ngu dureeva ashangire abaana ababaire baine egaari barikuvugira omu rubaju rw'enguuto nikwo kubatomera bakafa.

Omugambirizi wa Pooriisi ahabw'ekyanga ekya Albertine, Julius Hakiza, naagira ngu dureeva wa taxi otamanyirwe maziina abuzire bwanyima y'emotoka ye kutomera.

Naagira ngu Pooriisi eriyo nehiiga dureeva kandi ngu ekiretsireho butandu egi n'okuvugisa ekimama.

#WestUpdates