Aakibiishopu Paul K Bakyenga n'abandi beebembezi obu ahumura..(Photo by Fred Turyakira)

‘Aakibiishopu Bakyenga abaire ari kanyabwengye waitu’ - Abeebembezi

N’ebya Fred Turyakira

Obutumwa bw’okusaasira nibweyongyera bwanyima y’amakuru g’okufa kw’owabaireho Aakibiishopu wa Aakidayoosiisi ya Mbarara, Paul Kaamuza Bakyenga nyomwabazyo.

Omuny’eishengyerokazi wa disiturikiti ya Sheema, Rosemary Nyakikongoro naagira ngu Bakyenga abaire atari ishezaara kwonka beitu abaire ari munywani we munonga.

Aakibiishopu Bakyenga afeereire ahamyaka 79 ah’eirwariro erya Nsambya omuri Kampala akasheeshe ka nyomwabazyo Orwakabiri, 18/7/2023.

Aakibiishopu Bakyenga, Omuhwezi wa Sipiika, Thomas Tayebwa, MP Francis Mwijukye, Hon. Ritah Atukwase n'abandi beebembezi ahakuhumura kwe..(Photo by Fred Turyakira)

Okufa kwe kwizireho bwanyima y’emyaka 3 Paapa Francis aikirize okurekura kwe ahabiro 25/4/2020, bwanyima y’okuheza emyaka 21 ari Aakibiishopu wa Mbarara.

Abantu abaingi nibagira ngu okufa kwe kurekireho ekihengyere kihango omu eihanga n’omukereziya na munonga omuri Burengyerwa-izooba bw’eihanga.

Bakyenga abaire ari omunywanisa kandi omuhuumuriza w’abeebembezi ahandengo zoona.

Kurugiirira ahari Nyakikongoro, Omugyenzi Bakyenga abaire aine obwengye bwingi, ari omunyambabazi kandi arikuhwera baingi.

Rosemary Nyakikongoro, Omuny'eishengyerokazi wa disiturikiti ya Sheema..(Photo by Fred Turyakira) Woman Mp Sheema

Bakyenga akazaarwa ebiro 30/6/1944 omukyaro ekya Bumbaire hati eri disiturikiti ya Bushenyi.

Ogu akatungisibwa obuheereza ahabiro 27/7/1971 omuri Mbarara ahi yakozire kuhisya 1989. Akaija yaheebwa obwa Biishopu omwaka nigwo gumwe.

Omukw'ikumi na kumwe 1991, Bakyenga akaza omubigyere bya John Baptist Kakubi nka Biishopu wa Mbarara, atakatoorainwe kuba Aakibiishopu bwanyima ya Mbarara kuba Aakidayoosiisi.

Robert Mwesigwa Rukaari, Omuny'eishengyero wa Mbarara City North..(Photo by Fred Turyakira) Mp Mbarara North Constituency

Omuny’eishengyero wa Mbarara City North, Robert Mwesigwa Rukaari, asiimire Bakyenga ahabw’omurimo ogu akozire omu nsi hamwe n’okureetaho entunguuka omubyanga.

#WestUpdates