Abakozi b’eirwariro bakwatsirwe ahabw’okwiba eby’okurya by’abarwaire- Kiryandongo.

N’ebya Annette Najemba  

KIRYANDONGO

Pooriisi omu disiturikiti eya Kiryandongo ekwatsire abantu 3 ahabw’okugambwa kuba bibire eby’okurya ebibaire biri eby’okuheebwa abarwaire ah’eirwariro erya Kiryandongo.

Jonathan Akweteireho, Omuhwezi wa RDC wa Kiryandongo naagamba banyakuteekateekwaho nk’abarikuyonja eirwariro erya Sam Kizito na John Rukalema hamwe n’omukuumi, Nicodemus Ssenyonjo. 

Akweteireho naagira ngu banyakuteekateekwaho bashangirwe n’eby’okurya ebirikuheebwa abaana abarikuba bashinyire.

Omukuumi akwatsirwe ahabw’okugambwa kuba ahweriireho nyakuteekateekwaho omwe, Nalongo Poola, kutoroka.

Obuveera bw’eby’okurya bishangirwe n’abanyakuteekateekwaho.

Omugambirizi wa Pooriisi ahabw’ekyanga ekya Albertine, Julius Hakiza ahamize okukwatwa kw’abakozi aba arikugira ngu okucondooza kuriyo nikugyenda omu maisho.

Hakiza naagira ngu abakozi aba bateirweho omushango gw’obushuma hamwe n’okukoresa kubi ofiisi zaabo.

#WestUpdates