Butandu egi eyabaho shaaha nka 10 buri kusheesha eriizooba Orwakashatu yaaba erimu emotoka ya taxi na baasi ya Pokopoko. Courtesy Photo.

N’ebya Omushaki weitu

KYENJOJO

Abashabaazi 10 bafeera omuri butandu ahari Kaihura aha ruguuto orwa Kampala-Kyenjojo-Fort Portal. 

Butandu egi eyabaho shaaha nka 10 buri kusheesha eriizooba Orwakashatu yaaba erimu emotoka ya taxi na baasi ya Pokopoko. 

Pooriisi neegira ngu baasi ya Pokopoko eyaaba neruga Kampala yatomerana buso bwantaama na taxi eyaaba neruga ogwa Fort Portal nikwo abashabaazi 10 abarimu na dureeva abaaba bari omu taxi kufeeraho.

Omugambirizi wa Pooriisi y’eby’ahanguuto, Micheal Kananura naagira ngu taxi egi erikukira kukorera aharuguuto orwa Mbarara-Ntungamo-Kabale yatomerana na baasi obu yaaba netwara abantu kuruga Ntungamo barikuza kuziika omuri Kyenjojo.

Omuvugi wa taxi owaaba atarikumanya gye oruguuto oru kandi ovugire atahumwireho, yaruga omu Mukono gwe obu yaaba yahika ahari Kaihura nikwo kutomerana na baasi.

Emitumbi y’abagyenzi yatwarwa omu kabafu ah’eirwariro erya Kyenjojo. Butandu egi negambwa kuba yareetwa obutafayo bwa dureeva wa taxi.

#WestUpdates