Nikigambwa ngu omu kampu egi nibareetamu enyama y’amatungo agarikuba gefeereire  kandi kiroguraamu emwe y’enyama egyo negura Sh10,000. Photo by Philip Murangira.

N’ebya Philip Murangira

KYEGEGWA 

Ab'eby’amagara omu disiturikiti ya Kyegegwa nibakwata nibiragara bwanyima y'endwara ya kooto kubarukaho omu kampu y’empungi eya Kyaka II.

Omuntu omwe niwe yaherize kwitwa endwara egi kandi abandi bana borekire obubonero bwayo.

Omuntu ofiire n'omutsigazi w'emyaka 26 enzaarwa ya Congo obaire natuura omu kyaro kya Ntambabiniga omu kampu ya Kyaka II omu disiturikiti ya Kyegegwa.

Okurugira ahari Ronald Mugabi, orikukurira okurwanisa endwara omuri Kyegegwa (Health focal person) naagira ngu endwara egi neruga omu matungo n'enyamaishwa ezirikuba ziine endwara egi eya kooto.

Nikigambwa ngu omu kampu egi nibareetamu enyama y’amatungo agarikuba gefeereire  kandi kiroguraamu emwe y’enyama egyo negura Sh10,000.

Eky’obusaasi, empungi niziteekateeka ngu endwara egi n’amarogo kandi n’omukazi w’omugyenzi airukire yagaruka Congo arikuteekateeka iba aisirwe amarogo.

Disiturikiti ya Kyegegwa n’emwe ahari za disiturikiti ahi endwara enyingi zirikukira kubarukaho.

Obwa hati ab’obushoborozi omu by’amagara batandikaho omuhigo gw’okuronda abantu boona abaine obubonero n’abarikuteekatekwaho.

#WestUpdates