Abantu 40 ababaire barikutamburira ahari za boda-boda omu biro 7.

N’ebya Omushaki weitu

KAMPALA

Abantu barikurenga 40 ababaire nibatamburira ahari za boda-boda nibo bafeereire omuri butandu z’ahanguuto wiiki ehwaire kuruga ebiro 28.10.2024 kuhisya ebiro 03.11.2024.

Rupoota nizoreka ngu omu wiiki niyo emwe, abantu 32 ababaire nibatambuza ebigyere nibo batomiirwe ebiruka aha mihanda bakafa omu bicweka bitari by’eihanga.

Omugambirizi wa Pooriisi y’eby’ahanguuto, Micheal Kananura naagira ngu za butandu ezi, enyingi ziretsirweho okuvuga sipiidi erengire n’okuraaba aha motoka ezindi omu buryo obutahikire.

Kituuma nashaba abantu okuba abegyendesereza baaba nibejunisa enguuto ahabw'okwenda kwerinda za butandu.

#WestUpdates