Abantu 8 baitiirwe omu kwesharinga omuri Kenya.

N’ebya Admin

KENYA

Abantu 8 baitsirwe n’abandi 400 bahutaara obu enkuyanja y’abantu beshukire ahanguuto z’omundembo omuri Kenya kwesharinga barikuhakanisa gavumenti ya Purezidenti William Ruto.

Pooriisi Orwakashatu ebiro 25.06.2025 esiibire nehunana n’abesharingi omu rurembo orukuru orwa Nairobi n’omu zindi ndembo obu babaire nibesharinga barikwijuka bataahi baabo abaitiirwe omu kwesharinga kw’okuhakanisa emishoro omuri Kenya omwaka gumwe oguhingwire. 

Omu kwesharinga okwabaireho omu mwaka gwa 2024, abeesharingi bakatahirira Paramenti bahendera bokize ebyombeko ebimwe. 

Abantu barikurenga 60 nibo bafeereire omu kwesharinga oku kandi abandi baingi bakakwatwa ab’eby’okwerinda n’abandi bahutaara.

Baingi omu babaire nibesharinga babaire nibeshongoro eby’eshongoro ngu Ruto agyende barikugira ngu obwebembezi abukwase ab’orubaju orurikuhabura gavumenti omu busingye.

Gavumenti ya Kenya eyihireho ekya za TV na Reediyo kworeka okwesharinga butunu (LIVE) beitu encwamu egi eshazibwemu kooti enkuru omuri Nairobi.

Purezidenti Ruto ashabire abeesharingi obutateganisa obusingye obu babaire nibateeraho kutaahirira amaka beitu Pooriisi ekabaremesa.

#WestUpdates