Abanyamakuru kuruga omu mahanga gatari gamwe omu mushomo gw'ebiro 3 ogw'eby'amagara kuruga ebiro 19-21/09/2023 omuri Kenya. Photo by Annita Matsika.

N’ebya Annita Matsika

KENYA

Abanyamakuru bashabirwe okuta abeebembezi baabo aha ninga kureeba ngu ebiragiro ebibarikuhinguza byaba eby’omugasho aha bantu boona.

Okushaba oku kuhairweyo Dr. Daniel Were, purogyekiti Dayirekita w’ekitongore ekya Jhpiego omu mushomo gw’abanyamakuru b’omu mahanga gatari gamwe ogurikukwata aha nshonga za COVID-19, akakooko ka sirimu n’ezindi ndwara ezirikubarukaho. 

Omushomo ogu ogwebiro 3 ogubaire aha hoteeri ya Ngong Hills omu rurembo orwa Nairobi, omu eihanga erya Kenya guteebekanisiibwe ekitongore kya AVAC, ekirikushangwa omuri USA.

Abanyamakuru kuruga omu mahanga gatari gamwe omu mushomo gw'ebiro 3 ogw'eby'amagara omuri Kenya. Photo by Annita Matsika.

Akyorekire ku omu eihanga erya Kenya, bariyo nibataho amaani kureeba ngu obuheereza bwa PreP ahabw’akakooko ka sirimu bwahika abantu bingi. 

PreP nehwera abantu okwerinda obutakwatwa akakooko ka sirimu kubaasa kukingira akakooko aka okukwata omuntu yayegeita n’omuntu ondiijo orikuba akiine.

Dr. Were agizire ngu obwahati batandiikire kwegyesa n’abanyamakuru aha kuta obuheereza obu omuri za Pharmacy ekirahwere abantu kubutunga omu bwire bwona obu babwetenga.

Bamwe omu banyamakuru abetabire omu mushomo gw'ebiro 3 ogw'eby'amagara ahari Ngong Hills Hoteeri omu rurembo orwa Nairobi omuri Kenya. Photo by Annita Matsika.

Ekigyendererwa n’okureeba ngu abantu bayerinda okukwatwa akakooko ka sirimu.

Arikugambira omu mushomo ogu, omuhangu omu by’amagara omuri Kenya, Dr Michael Kiragu, agizire ngu ni kikuru munonga amahanga kwongyera amaani omu buheereza bw’eby’amagara ahamwanya gw’okutegyereza endwara kubarukaho.

Kiragu naagira ngu amahanga gaine kukoresa abanyamakuru, abeebembezi n’abandi abarikukwatwaho omu kushomesa abantu ahanshonga z’eby’amagara.

#WestUpdates