Abashaho baikiriziine na gavumenti kuhendera akeedimo kaabo omuri Kenya.

N’ebya Omushaki weitu

KENYA

Abashaho omu eihanga erya Kenya bahendiire akediimo kaabo akatwire kazingamize obuheereza bw’eby’amagara omu eihanga eryo kumara ebiro 56. Okwemereza akediimo kaabo bwanyima y’okwikirizana na gavumenti.

Ekigombe ky’abashaho omuri Kenya ekya Kenya Medical Practitioners, Pharmacists and Dentists Union ekirimu ba memba 7,000 bakaza aha kediimo kaabo ebiro 15/03/2024.

N’obu bakozire endagaano y’okuhendera akediimo kaabo, gavumenti hamwe n’ekigombe ky’abashaho baremirwe kwikirizana aha kuta ba ‘intern doctors’ omu marwariro n’okubashashura.

Ekigombe nikyenda ba ‘intern doctors’ bashashurwe Dollar 1,500 buri kwezi beitu yo gavumenti neegira ngu nebaasa kubashashura Dollar 500.

Enshonga egi hati neija kusharirwamu omu kooti ekirikumanyisa ngu ba ‘intern doctors’ nibeija kuguma batarikukora kumara ebindi ebiro 60.

#WestUpdates