omushuganisa wa PDM omu eihanga ryoona , Dennis Galabuzi arikubugana abarikuta omunkora puroguraamu ya PDM omu kyanga ekya Rwenzori ahari Nyaika Hoteeri. Photo by Sunday Rogers.

N’ebya Rogers Sunday

FORT PORTAL

Abarikuta omunkora puroguraamu ya Parish Development Model (PDM) kuruga omuri za disiturikiti eya Kabarole, Kyenjojo, Kyegegwa, Kamwenge, Kitagwenda, Bunyangabu, Ntoroko na Bundibugyo bagizireho ekiganiiro omuri Fort Portal kubaasa kushwijuma oku puroguraamu egi eriyo neteebwa omunkora omukyanga eki.

Abarikuta puroguraamu egi omunkora abarimu ba ceeyamaani boona aba disiturikiti, ba Diisi, abarikukurira eby’obushuubuzi, abashuganisa ba puroguraamu ya Operation wealth Creation n’abandi nibo betabire omurukiiko oru orubaire aha hoteeri ya Nyaika.

Omu rukiiko oru orubaire ruteebekanisibwe omushuganisa wa PDM omu eihanga ryoona kuruga aha kitebe kikuru kya PDM, Dennis Galabuzi ashabire abarikukwatwaho okureeba ngu bakyenga gye omugasho gwa puroguraamu egi.

Denis Galabuzi, arikubuganaho abarikuta omunkora puroguraamu ya PDM kuruga omu kyanga ekya Rwenzori ahari Nyaika Hoteeri. Photo by Sunday Rogers. The Pdm National Coordinator Addressing The Rwenzori Regional District Chairpersons, Caos, District Commercial Officers At Nyaika Hotel In Fort Portal

Nakyoreka ngu oihireho puroguraamu ezindi ezi gavumenti eizire netaho kutunguura eby’entaasya n’okwiha abantu omu bworo, amaka garikwingana obucweka 39 ahari 100 gakiri omu kuhingira enda.

Galabuzi naashaba abarikukwatwaho boona okuta amaani aha kuhindura aha miteekatekyere y’abantu eki arikugira ngu nikyetenga obwire.

Ahabw’okwenda kuta gye puroguraamu egi omunkora, Galabuzi naagira ngu puroguuramu egi eine kuteebekanisibwa gye kureeba ngu yarugamu ebijuma birungi.

Julius Kapwepwe kuruga aha kitebe kikuru kya PDM, naagira ngu ekigyendererwa kya puroguraamu egi n’okwenda kukanyisa ahantaasya y’amaka g’abantu n’eihanga ryoona.

Okurugiirira ahari Kapwepwe, puroguraamu ya PDM neyongyerera aha puroguraamu ezindi ezi gavumenti eizire netaho kubaasa kwiha abantu aha kuhingira enda.

#WestUpdates