Abashagiki ba NRM bateire okushabira Museveni- Wakiso.

N’ebya Ramadhan Abbey

Abeebembezi b’ekigombe ekya NRM omu disiturikiti eya Wakiso bateireho okushabira Purezidenti Yoweri Museveni kandi ceeyamaani w’ekigombe eki obwahati ori omu keshereko ahabw’okumushangamu endwara ya COVID-19.

Okushaba oku okubaire ahari KR Recreation Centre omuri Wakiso kubaire kwebembiirwe RDC Justine Mbabazi, abeebembezi ba NRM kuruga aha kitebe kikuru abarimu Rose Namayanja- omuhwezi w’omuhandiiki mukuru hamwe n’omubiiki w’ekigombe, Amb. Barbra Nekesa.

Abeebembezi ba NRM omuri Wakiso aha kushabira Purezidenti Yoweri Museveni. PHOTO: Ramadhan Abbey.

Abandi abetabire omu kushaba oku barimu; owabaireho omuny’ishengyero wa Busiro East, Mike Sebalu, ceeyamaani wa NRM ahabwa Wakiso, Abdul Kiyimba, n’abandi beebembezi b’ekigombe eki.

Abeebembezi ba NRM omuri Wakiso barikushabira Purezidenti Museveni. Ramadhan Abbey

Bwanyima y’okushaba, RDC Mbabazi agizire ngu nk’oku ‘motto’ y’eihanga erikugira ngu ahabwa Ruhanga n’eihanga ryangye eya For God and my Country- mureeke Purezidenti weitu tumute omu mikono ya Ruhanga abaase kumukiza.

RDC Justine Mbabazi okwatsire omuzindaaro n'abandi beebembezi ba NRM aha mukoro gw'okushabira Purezidenti Museveni omuri Wakiso. Ramadhan Abbey

Omu kihandiiko kye kurabira aha twitter aha Sande, Purezidenti Museveni agizire ngu arimu nakira endwara ya COVID-19 eyamureteire yaaza omu keshereko aha maka g’obwa Purezidenti, Nakasero.

Aharwakashatu rwa wiiki ehwaire, Museveni akyebiirwe yaashangwa aine COVID-19, harikuburayo ebiro 3 aheerize kuruga omu kweherera kw’abany’ishengyero ba NRM okw’ebiro 10 ahari Kyankwanzi.

Museveni egizire ngu abashaho bagarukire bamukyebera aha Sande bashanga ngu endwara ya COVID-19 ekimurimu kandi nibaija kugaruke bakyebere omu bwire butari bwa hare.

Purezidenti oraganiise kuguma omu keshereko ahari Nakasero ahabwire abantu okugyenda bakesirikisa endwara egi kandi abantu abakuziire baine kutunga booster dose.

Museveni, 78, aremireho ngu naija kuba namanyisa eihanga aha magara ge kwenda kwihaho okuteebereza.

#WestUpdates