Gavumenti eteireho entwaza ensya ey’okurwanisa okubarukaho kw’endwara.

N’ebya Ivan Tsebeni

Gavumenti kurabira omu minisiture y’eby’amagara ekwataniise na bataahi baabo ab’omu Ihanga erya South Sudan eriyo neganiira aha ntwaza ensya eyakubaasa kukoresibwa kurwanisa okubarukaho kw’endwara omu mahanga aga 2.

Nyowebazyo, minisiture y’eby’amagara etaayaayiise abakuru kuruga omu Ihanga erya South Sudan ab’omu minisiture y’eby’amagara kuganiira aha ntwaza eya 7-1-7 framework.

Entwaza ensya, okurugiirira ahari Dr. Allan Muruta, kamishana w’eby’obuheereza bw’eby’amagara obwahoonaho omu minisiture y’eby’amagara, egyenderiire kureeba ngu bamanya okubarukaho kw’endwara omu biro 7, okumanyisa abantu omu kiro kimwe hamwe n’okukora aha ndwara egi omu biro 7.

Abakuru kuruga omu Ihanga erya South Sudan babaire beebembiirwe Dayirekita w’obuheereza bw’eby’amagara, Dr. Malek Santo.

Entebeekanisa ensya egyenderiire kureeba ngu amahanga goona omunsi yoona gayerinda endwara.

Omu bwire buri ahansi y’emyaka 3, endwara z’ebika 2 eya COVID-19 na Ebola nizo zibaasize kubarukaho omu Uganda.

#WestUpdates