Janet obwa hati ari omu keshereko omuri Rwakitura omu disiturikiti eya Kiruhura.

N’ebya Omushaki weitu

Purezidenti Yoweri Museveni ahamize ngu omukazi we, Janet Kataaha Museveni akyebiirwe yashangwa aine endwara ya COVID-19. 

Museveni ashohoize amakuru aga nyomwebazyo arikugira ngu omukazi we atandiikire kubura kwehurira gye aha kiro kikuru kya Nohiri eky’ebiro 25/12/2023. 

Naagira ngu Janet obwa hati ari omu keshereko omuri Rwakitura omu disiturikiti eya Kiruhura. 

Purezidenti Museveni nashoborora ngu we naija kugumizamu nakora emirimo ye nk’aburaijo ngu ahabw’okuba akyebiize yashangwa ataine COVID-19.

Omu kwezi kwa 6 omwaka ogu, Purezidenti Museveni akakyoreka ngu akaba aine endwara ya COVID-19 ahi yayizire akamara akaire ari omu keshereko.

#WestUpdates