Elia Mugarura Luben, kuruga omu minisiture y'eby'obwegyese ah'eishomero erya Asaba Primary School omuhururu y'okukinga amashomero agarikuraaza abeegi omu bushobya. Photos by Yosam Gucwaki.

N’ebya Yosam Gucwaki 

MASINDI

Minisiture y’eby’obwegyese n’emizaano ekwataniise n’ebitongore by’okwerinda n’abakuru kuruga omu kitongore ky’eby’obwegyese ahabwa Masindi Munisiparite etandiikire ehururu y’okukinga amashomero goona aga gavumenti n’ag’abantu buntu agarikuraaza abeegi omu buhenda biragiro omuri Masindi.

Ekiyungu ky'eishomero erya Asaba Primary School omuri Masindi.

Elia Mugarura Luben, Omuceebezi mukuru w’amashomero kuruga omu minisiture y’eby’obwegyese agambiire TV West ngu amashomero agarikuza kukingwa n’ago agataine by’obwecumi biboniire, abakuumi, fire extinguisher, layisensi ezaahwireho, ebiyungu by’okutekyeramu ebitari aha mutindo, oburaaro bw’abeegi burikumara n’ebindi.

Abakuru kuruga omu minisiture y'eby'obwegyese n'ab'eby'okwerinda ah'eishomero erya Asaba Primary School omuhururu y'okukinga amashomero agarikuraaza abeegi omu buhenda biragiro.

Mugarura naagira ngu bakamanyisa amashomero ago aha bintu ebi gashemeriire kuba gaine kuza kuraaza abeegi beitu agamwe tigarahikiriize bintu. Aragiire ngu amashomero agataine ebinti ebirikwetengwa gashemeriire kukingwa. 

Okurugiirira ahari Mugarura, amashomero amaingi omuri Masindi tigara puraningirwe gye ekintu eki arikugira ngu kiteeganisa omutindo gw’eby’obwegyese.

Bakuru b’amashomero abaingi hamwe n’aba heedimasita abagambireho na Radio West nibajunana minisiture y’eby’obwegyese ahabw’obutabaheereza bwire burikumara kutaho byona ebirikwetengwa.

Abandi nibajunaana minisiture hamwe n’abarikukurira eby’obwegyese omu disiturikiti ahabw’obutabashomesa aha birikwetengwa.

Beitu, Mugarura aremiireho ngu amashomero gakaheebwa engyenderwaho zoona arikwongyera ngu bakuru b’amashomero nibo batarikufayo.

Godfrey Baharagate, Orikukurira eby’obwegyese omu rurembo rwa Mbarara nawe ajumiriire bakuru b’amashomero ahabw’obutafa aha magara g’abeegi.

#WestUpdates