Abatuura 5 nibajunanwa okushangwa n'ebijwaro by'amahe omubushobya hamwe na ‘badge’ y'amahe.

N'ebya Margret Zalwango

WAKISO

Abantu 5 omu disiturikiti eya Wakiso ahi omwe omuri bo ari buuloka w'amataka bateebwaho omushango omu kooti y'ekinyamahe ahabw'okushangwa n'ebijwaro by'amahe omubushobya.

Abatuura 5 nibajunanwa okushangwa n'ebijwaro by'amahe omubushobya hamwe na ‘badge’ y'amahe.

Nikigambwa ngu guruupu y'abantu aba ekashangwa n'embundu 2 zirimu amasasi hamwe na pistol enkye.

Banyakuteekateekwaho barimu buuloka w'amataka Joseph Kiboneka, 31, Henry Wasswa Ssemakula 31, Pius Nsamba, 36, Nicolas Ssagalay, 31 na Wycliffe Ssenyonga 31. Aba boona n'abatuura b'omukyaro kya Nakabugo omu muruka gwa Bbira omu disiturikiti eya Wakiso.

Aba bareebukireho omu maisho ga kooti y'ekinyamahe omuri Makindye okurugiirira aha kiragiro ky'amahe ga UPDF.

Ceeyamaani wa kooti egi, Brig. Gen. Freeman Mugabe niwe yabataho emishango beitu boona bagyehakana.

Abahababi beebembiirwe Lt. Col. Raphael Mugisha, Lt. Alex Mukwana, Pvte. Regina Nanzala na Pvte. Anthony Alupot.
Obuhababi bugambire kooti ngu okucondooza omu nshonga egi kukiriyo nikugyenda omu maisho nikwo kushaba ngu omushango gwongyezibweyo kuhisya ebiro 24/09/2023.

Abarikujunanwa bajwekyerwa Capt. Simon Nsubuga Busagwa na Pvte. Priscilla Kakande abatahakanisa kushaba kw'orubaju oruhababi.

Nikigambwa ngu ahabiro 24/07/2023 omu Nakabugo omu muruka gwa Bbira omu disiturikiti eya Wakiso, aba bakashangwa baine ebijwaro byakitaanga hamwe na badge z'amahe.

#WestUpdates