Julius Mulamba, 35, ceeyamaani wa Muweebwa PDM SACCO omuri Kamuli Munisiparite nabwo owabaire ari ceeyamaani w’eminyeeto omu disiturikiti ya Kamuli akwateirwe omu ofiisi za SACCO. Photo by Tom.

N’ebya Tom Gwebayanga

KAMULI

Ceeyamaani wa SACCO ya Parish Development Model (PDM) omu disturikiti ya Kamuli akwatsirwe kandi akomiirwe aha Pooriisi ya Kamuli bwanyima y’okugira akakwate n’ekikoosi ky’abakuru abarikujunaanwa okwiha esente aha bantu esente kuza kubaheereza eza PDM.

Julius Mulamba, 35, ceeyamaani wa Muweebwa PDM SACCO omuri Kamuli Munisiparite nabwo owabaire ari ceeyamaani w’eminyeeto omu disiturikiti ya Kamuli akwateirwe omu ofiisi za SACCO aharuguuto orwa Lubaga kandi ateirwe ahari kabangari ya Pooriisi kumutwara aha Pooriisi ya Kamuli kubuuzibwa akasyo n’akahindu.

Okurugiirira aha mugambirizi wa Pooriisi ahabw’ekyanga ekya Busoga North, Michael Kasadha- okukwatwa kwa Mulamba kwizireho bwanyima y’okuragira kwa RDC, Rose Birungi. 

Abantu obu baihireho esente bairukangiire omu ofiisi ya RDC barikwetomboita nikwo RDC kuragiira ngu Mulamba akwatwe.

RDC ahuriire ngu abakuru omu PDM nibagambwa kuba nibeiha aha bantu esente eziri ahagati ya shiringi 80,000-400,000 barikuraganisa abaine kutunga esente za PDM kubata aha rukarara rw’abaratungye esente eza PDM.

Ahitugiire kuhandiikira amakuru aga, abantu 40 nibo babaire bahaireyo okwetomboita kwabo okurugiirira ahari Kasadha. 

Bamwe omu bantu abarikushaba ngu bagaruzibwe esente barimu; Fiida Mutesi sh.100,0000, Edson Mukembo, sh.400,000, Annet Namuganza, sh.80,000, Agnes Nakiryowa sh.80,000, Ayub Musa Shs 100,000, Timothy Kirevu sh.100,000, Sharif Mushada, sh.150,000, Geoffrey Sooka, sh.200,000 n’abandi.

RDC Birungi oragiire okukingwaho kwa ofiisi ya SACCO egyo agizire ngu okukwatwa kwa Mulamba kwizire omu bwire ahabw’okuba obu nibwo bwire obu Purezidenti Museveni ayehiireyo kurwanisa obushomankuzi.

Okukwatwa kwa Mulamba kwizireho bwanyima y’ab’emiruka 5 kukwatwa omu meezi 3 agahingwire ahabw’enshonga niyo emwe ey’okwiha aha bantu esente kuza kubaheereza eza PDM. 

#WestUpdates