Omushaija bamucwireho ebicweka bye by’ekihama- Kamuli.

N’ebya Eddie Ssejjoba

KAMULI

Omukazi omu disiturikiti ya Kamuli ashazireho ebicweka by’ekihama by’omushaija we nikwo kuburaho nabyo hamwe n’esente ezitakamanyirwe muhendo. 

Omukazi ogu amanyirwe nka Susan Namuganza, 34 kandi nagambwa kuba ashazireho Moses Kawubanya, ebicweka bye by’ekihama. 

Kawubanya, ni Dayirekita w’omwanya ogwa Serena Children's Home kandi omutuura wa Busana Zone omu woodi ya Nabirumba omu gomborora ya Nabwigulu omu disiturikiti ya Kamuli.

Namuganza ayigwirweho omushango gw’okuteeraho kwita aha Pooriisi ya Kamuli.

Nabwo, Susan Namuganza nateekateekwa kuba abuzireho n’esente ezitakamanyirwe muhendo nikwo kusiga omushaija omu busaasi bw’amaani.

Michael Kasadha, Omugambirizi wa Pooriisi ya Busoga North naagira ngu eki kibaireho omu kiro ky’orw’okubanza ebiro 10.06.2024 omu maka g’abashweriine aba omu kyaro kya Busana.

Okurugiirira ahari Kasadha, omushaija ayimukire kuza kunaaba nikwo kugaruka omu kitanda n’omukazi bakabyama beitu abaire akyesibire etawuro omu ibondo. Kawubanya nashoborora ngu ku babaire babyami, omwana waabo w’ameezi 3 yatandika kurira nikwo omukazi we Namuganza kwimuka. 

Kawubanya naagira ngu ateekateekire ngu omukazi we yimuka kuza kwonsya omwana beitu agweriirwe akagwe bwanyima y’omukazi kugaruka omu kishengye n’omusyo atyo akahika namusharaho ebicweka bye by’ekihama akaburaho nabyo.

Kawubanya abaire ari omu busaasi bwingi, agambiire Pooriisi ngu airukangiire owa muriraanwa omutwire ah’eirwariro erihango erya Kamuli kutunga okuragurirwa. 

Na bwanyima, Kawubanya agiire aha Pooriisi ya Kamuli yiguraho omushango.

Micheal Kasadha naagira ngu Pooriisi ekiriyo necondooza kumanya ekirugiirireho omukazi kusharaho omushaija we ebicweka by’ekihama obwo okuronda Namuganza kurikugyenda omu maisho.

#WestUpdates

#RadioWestAt25