Omushaija omuri Kamuli ashazirweho omukono ahabw’omukazi we. Photo by Tom Gwebayanga

N’ebya Omushaki weitu

KAMULI

Omushaija omu disiturikiti eya Kamuli ariyo naragurirwa omukono gwe gwa bumosho ogu bamushazireho. 

Omukono gwe gukatunga obuzibu omu kurwana na muriraanwa ou yashangire abyamu n’omukazi we omu kaboozi k’ekikuru.

Siraji Nsadha, 40, omutuura wa Bumbya-Bulungu zone omugomborora ya Namasagali atungire obuzibu obu aharwakabiri ebiro 17.09.2024 omukasheeshe bwanyima ya muriraanwa we, Moses Magumba, 34, kumukwata akamutemaho omukono gwe gwa bumosho.

Nsadha ataahiriire enju ya Magumba n’omuhoro beitu hoona Magumba amukiirize amaani yamwaka omuhoro yagumutemesa.

Arikugambaho n’omunyamakuru weitu obwo ari aha kitanda omu eirwariro erya Kamuli Mission Hospital, Nsadha agizire ngu agiire omuka ekigurukano kuruga omu musiri gw’omuceeri ahari shaaha nka 4:30 z’akasheeshe nikwo kushanga omukazi we atariyo.

“Nshangire muhara weitu arikurya chapati eguzirwe omushambane kandi ku aburiize omwana ahu nyina ari, omwana yayorekyereza omu nju ya Magumba nikwo kugyenda akataaha omu nju egyo,” Nsadha arikushoborora.

Naagira ngu ataahire omu kishengye nikwo kushanga omukazi we abyami na Magumba bari omu kikorwa ky’omubonano obwo omukazi we arikweshongorera Magumba eby’eshongoro ebi atakeshongoreraga omushaija we (Nsadha) baaba bari omu kikorwa ky’omubonano.

Ateire enduuru eshombire baariraanwa abamwirukangiize ah’eirwariro erya Kamuli Mission Hospital kutunga okuragurirwa kandi abandi bairukire ahari Magumba nikwo kumukwatira omu musiri gw’ebikoijo bakamuhayo aha Pooriisi ya Namasagali.

Omugambirizi wa Pooriisi ahabw’ekyanga ekya Busoga North, Micheal Kasadha ahamize amakuru aga arikugira ngu okikozire ari omu kihome kandi ngu naija kutwarwa omu kooti ajunaanwe.

Kasadha nayoreka okukwatwaho ahabw’emishango y’emihondano y’omu maka kweyongyera omu kyanga ekirugiiriremu obwitane, obw’amaraaya, abakundaine okurwana n’ebindi.

Nsadha ashoboroire ngu obushwere bwabo butwire aha rutezyo batarikwegaita omu bikorwa by’omubonano eki arikugira ngu kibaasa kiba kizireho bwanyima ya Magumba kuza omuri rukundo n’omukazi we.

Kuruga ekikorwa eki nikibaho, omukazi wa Nsadha abuzire.

#WestUpdates