NewVision Reporter 
Omufumu akwateirwe okutoroboza omuhara w'omukazi we- Kamuli.
N’ebya Doreen Musingo
KAMULI
Omufumu w’emyaka 28 akwatsirwe kandi akomiirwe aha Pooriisi ya Kamuli aha mushango gw’okugambwa kuba yatoroboize omuhara w'omukazi we w’emyaka 15 (stepdaughter).
Nyakuteekateekwaho amanyirwe nka; Abudallah Kabanda, omutuura wa Butangala woodi omuri Northern Divijoni omuri Kamuli Munisiparite kandi omwishiki owatoroboziibwe akaba ari omu kibiina kya kataano (P.5) ah’eishomero erya Buzibirira Primary School.
Okurugiirira aha byahikireho kuruga omu kucondooza, omu mwaka gwa 2019, Fatuma Nakaga,32, owabaire aine omwana w’omwishiki w’omushaija ondaijo akaija yashwerwa Abudallah Kabanda.
Michael Kasadha, Omugambirizi wa Pooriisi ahabw’ekyanga ekya Busoga North agambiire TV West aharwakashatu ebiro 26.06.2024 ngu omu mwaka gwa 2020, nikigambwa ngu Kabanda akatandika kushendashenda omwishiki ogwo owabaire aine emyaka 15 obwire obwo omu bikorwa by’omubonano.
Kuruga obwo, atwire nakoresa omugisha gw’omukazi we kandi nyina w’omwishiki ogwo kubyama nawe.
“Aha kutandika k’omwaka gwa 2024, omwishiki ogu akagira enda kandi ku yahikire ah’eishomero, yagambira bakuru b’eishomero ngu omushaija wa nyina niwe yamutwekire,” Kasadha arikushoborora.
Kasadha nayongyeraho ngu bakuru b’eishomero na bwanyima bakatwara enshonga egi aha Pooriisi ya Kamuli obu omwishiki ogu arikuhwerwaho nyina yabaire atakaihiiremu enda.
Omushango gw’okutoroboza gukaigurwaho aha Pooriisi ya Kamuli kandi Kasadha agambiire Tv West ngu faayiro y’omushango bagyoheereize ow’omutonganirizi wa gavumenti eriizooba Orwakana ebiro 27.06.2024.
Pooriisi ehikire omu maka g’omufumu ogu (Abudallah Kabanda) agarimu n’akaju karikukoramu obufumu nikwo kuhandiika obujurizi.
Na bwanyima, omwishiki ogu atwirwe ah’eirwariro erya Kamuli kumukyebera kandi hati nareebererwa ofiisi y’ekitongore ekya Uganda Women Network’s Kamuli field office.
Kasadha nayongyeraho okucondooza kukiriyo nikugyenda omu maisho kubaasa kumanya amazima.
Omwaka oguhwaire, Ali Kadhumbula, 33, kuruga omu disiturikiti ya Kamuli akakwatirwa okutoroboza abarongo b’emyaka 12.
Hoona nabwo, omu kwezi kwa 2, 2024- omushaija w’emyaka 35 omuri Jinja akakwatwa ahabw’okugambwa kuba yatoroboize omuhara ou arikwezaarira w’emyaka 14.
#WestUpdates
