Namuganza aizire yagaruzibwa omu disiturikiti eya Kamuli ahi akomiirwe obwa hati. Courtesy Photo.

N’ebya Omushaki weitu

NAMUTUMBA

Omukazi orikugambwa kuba yashazireho omushaija we ebicweka bye by’ekihama okwezi okuhwaire akwatsirwe Pooriisi omu disiturikiti eya Namutumba.

Micheal Kasadha, Omugambirizi wa Pooriisi ahabw’ekyanga ekya Busoga North, nagamba nyakukwatwa nka; Susan Namuganza, 34, okwatsirwe bwanyima ya wiiki 3, pooriisi erikumuhiiga. 

Namuganza aizire yagaruzibwa omu disiturikiti eya Kamuli ahi akomiirwe obwa hati.

Kasadha naagira ngu Namuganza akwateirwe omu maka ga mwine-nyina omuri Bulange omu disiturikiti eya Namutumba ahi ashangirwe arikwozya emyenda.

Agambiire mwine-nyina ngu sitaane niyo yamukoreise ekikorwa eki eky’okusharaho omushaija we ebicweka by’ekihama nikwo kushaba okusaasirwa arikugira ngu akakikoresa ekiniga.

Okurugiirira ahari Kasadha, okukwatwa kwa Namuganza kuhikiriire ahabw’okukwatanisa kw’abatuura hamwe n’okukuratiriza amasimu agu abaire nateera.

Namuganza naija kuteebwaho omushango gw’okuteeraho kwita kandi naija kutwarwa omu kooti omu bwire butari bwa hare.

#WestUpdates

#RadioWestAt25