Ceeyamaani wa SACCO ya PDM akwateirwe okurya ebituga- NAMAYINGO.

N’ebya Omushaki weitu

NAMAYINGO

Pooriisi omu disiturikiti eya Namayingo ekwatsire ceeyamaani wa SACCO ya PDM ahabw’omuruka gwa Bubango.

Arron Okoth akwatsirwe nyomwebazyo omu muruka gwa Bubango omu gomborora eya Buswale omuri Namayingo aha kuragiira kw’omuhwezi wa RDC, Solomon Trevor Baleke bwanyima y’okutunga okwetomboita ngu nayiha aha bantu esente.

Arikugambaho na TV West, Baleke agizire ngu ofiisi ye etungire okwetomboita kuruga omu bantu barikurenga omuri 30 abarikwetomboitira ceeyamaani wa SACCO egi barikumutura okwiha esente ahari ba memba.

Okoth nagambwa kuba abaire nayiha shiringi 30,000 ahari buri memba arikubaraganisa kubaheereza esente za PDM.

Baleke naagira ngu nibeija kukwata abantu boona abarikwiha aha bantu ahansi ya puroguraamu ya PDM n’abandi abarikutamba ikono puroguraamu za gavumenti.

#WestUpdates
#RadioWestAt25