Omwegi afeereire omunju y'omwojo munywani we omuri Masaka.

N'ebya Omushaki weitu

MASAKA

Pooriisi omuri Masaka eriyo neehiga omushaija omanyirweho erya Isaac orikugambwa kuba aitsire omwegi w'emyaka 15.

Omutumbi gwa Mable Nankinga, omwegi ahari Kyemamba Seed SS omuri Lyantonde gushangirwe omu nju y'omwojo munywani we. 

Omutumbi gwe gureebirwe abazaire be abatwire nibamuronda.

Twaha Kasirye, Omugambirizi wa Pooriisi ahabw'ekyanga ekya Masaka empango nagira ngu aharw'okubanza rwa wiiki egi, omwishiki ogu atorokire aha bazaire be nikwo kuza kureeba omwojo munywani we omanyirweho erya Isaac.

Omwishiki nagambwa kuba araariire omwojo ogu omu nju ei abaire napangisa.

Abazaire b'omwisjiki nibagira ah'eizooba ry'orwakabiri bakasiiba nibaronda omwana waabo kandi ngu omu shaaha z'omwabazyo, hiine ababagizire ngu omwishiki akaraara omunju ya Isaac.

Abazaire ku bahikire omunju ei Isaac abaire napangisa batangiriirwe omutumbi gwa muhara waabo omu kitanda.

Kasirye nagira ngu okuronda Isaac nikugyenda omu maisho obwo okucondooza kurikugumizamu,

#WestUpdates