Gen. Katumba Wamala ojwekyeire Purezidenti

Col. Mucunguzi akeehayo kukorera eihanga – Purezideti Museveni

N’ebya Adolf Ayoreka

Purezidenti Yoweri Museveni agambire ahari Col. Jack Mucunguzi nk’omuntu owaheerize amagara gye arikukorera eihanga.

Ebigambo bya Purezidenti bibaire biri omubutumwe bwe obumushomeirwe Minisita w’eby’enguuto, Gen. Katumba Wamala aharufu rw’okushendekyereza omugyenzi omukyaro ekya Rwenjeru, Biharwe omu rurembo rwa Mbarara.

Abakuru abaahikire ahakuziika

Mucunguzi n’omwe ahabarwani ba NRA abataahiriire Kabamba barracks omumwaka 1981, ekyatandikireho orutaro rw’emyaka etaano orwaretsire gavumenti ya NRM omubweebembezi.
 
Mucunguzi, 65, afiire ahabiro 19/6/2023 kandi aitsirwe ekookoro y’ekiine ah’eirwariro erya Nakasero omuri Kampala.

Harriet Mucunguzi n'abaana abu iba atsigireho

Purezidenti asiimire Col. Mucunguzi ahabw’okwehayo kurwanira eihanga rye kurucungura Uganda kandi n’okuba cadre murungi wa NRA.

Gen Salim Saleh, omushuganisa wa puroguraamu eya Operation Wealth Creation, ojwekyeirwe Lt. Gen. Charles Otema agiizire ngu Mucunguzi abaire ari emanzi otwairwe obu eihanga ribaire nirimwenda.

Abakuru omu mahe abaahikire ahakushendekyereza Mucunguzi

Omukazi we, Harriet Mucunguzi, agiizire ngu emyaka 37 ei babaire baheerize hamwe omu bushwere, abaire atakefuuza ga ahabw’okuba abaire nakunda eka ye, abaana be n’abanyabuzaare.

Okuziika omubiri gwa Col. Mucunguzi

Omugyenzi atsigireho omukazi omwe n’abaana baana; Kakwanzi, Philip, Nadia na Timothy.

#WestUpdates