Eirwariro erya Hoima rishazirweho amaizi

N’ebya Ambrose Nuwagaba Katoto

HOIMA

Abarwaire hamwe n’abarikubareeberera ah'irwariro erihango erya Hoima bayoreka okukwatwaho ahabw'okuburwa amaizi bwanyima y’ekitongore ekya National Water and Sewage Corporation kusharaho amaizi ah’irwariro eri.

Ab’ekitongore ky’amaizi nibagira ngu nibabanja eirwariro rya Hoima miriyooni 150.

Za tanka n'emyanya ei abarwaire n’abajanjabi ah'irwariro erya Hoima barikwiha amaizi byomire ahabw’ekitongore ky’amaizi ekya National Water and Sewage Corporation kusharaho amaizi aga ahabw’eibanja.

Paul Ajuk, Omukuru ah’irwariro erya Hoima naagira ngu eibanja ry'amaizi rikeyongyera kuruga omu kwezi kwa 7, 2022 kuhisya okwezi kwa 3, 2023.

Abarwaire n’abajanjabi nibagira ngu obwa hati ekidomora ky’amaizi nibakigura shiringi 1,500-2,000 kuruga aheeru y’irwariro.

Ajuk nashoboorora ngu nibatunga esente nkye buri kicweka ky'omwaka ezirikwingana miriyoni 35 arikwongyeraho ngu tibarikubaasa kushashura esente z'amaizi.

Donanto Kasigazi, RDC wa Hoima East Division naashaba ekitongore ky’eby’amagara okukora ahanshonga egi aho n'aho, abantu babaase kutunga obuheereza bataine kuteganisibwa kwona.

Eirwariro eri niryakiira abarwaire kuruga omuri za disiturikiti ezirimu; Hoima, Kikuube, Buliisa, Masindi, Kibaale, Kagadi, Kiryandomgo, Kyankwanzi, Kiboga n'orurembo rwa Hoima.

#WestUpdates