Kooti eteireho ekiro ky’okuhayo encwamu omu mushango gwa Lugoloobi ogw’amabaati.

N’ebya Omushaki weitu

Okuhayo encwamu ya kooti omu mushango ahi minisita w’eihanga ow’eby’esente, Amos Lugoloobi arikujunaanwa okuryangatanisa amabaati g’abantu ba Karamoja kuriho ebiro 14.11.2024.

Lugoloobi, nabwo, ori n’omuny’ishengyero wa Ntenjeru North  najunaanwa emishango ey’okutwara ebintu ebirikuteekateekwaho ekirikuhenda ekiragiro ekirikurwanisa obushomankuzi akacweka ka 21A.

Omuntu yaheza kusingwa omushango ogu nahendera akomirwe emyaka 7 omu kihome.

Orw’okubanza ebiro 14.10.2024, Omuramuzi Jane Okuo Kajuga owa kooti enkuru erikurwanisa obushomankuzi omuri Kampala ateireho ekurko eki bwanyima y’okuhurira embaju zombi orwaba puriida b’abakitaabarizibwa hamwe n’orubaju oruhababi.

Ba Puriida; John Isabirye, Tonny Tumukunde na Alex Luganda nibo barikujwekyera minisita omu mushango ogu kandi orubaju orwa gavumenti nirujwekyerwa omuhwezi wa mukuru w’abahababi Josephine Namatovu.

Isabirye naagira ngu obujurizi obuhairweho orubaju oruhababi ahari Lugoloobi tiburikumara ngu n’ahabw’ekyo minisita tashemereire kwetonganaho omu mushango ogu.

Beitu we, Namatovu naagira ngu Minisita Lugoloobi akatwara amabaati arikukimanya gye ngu gakaba gari ag’abantu ba Karamoja.

#WestUpdates