Jonathan Muwaganya niwe mutonganiirizi wa gavumenti omu mushango ogu kandi ba puriida abarikujwekyera Minisita Lugoloobi barimu; John Isabirye na Tonny Tumukunde.

N’ebya Michael Odeng

Okuhurira omushango ahi minisita w’eihanga ow’eby’esente, Amos Lugoloobi arikujunaanwa okubuuzabuza amabaati g’abantu b’omu kyanga ekya Karamoja nikugarukamu eriizooba ebiro 14.10.2024 aha kooti erikurwanisa obushomankuzi omuri Kampala.

Lugoloobi, nabwo ori omuny’eishengyero wa Ntenjeru North naajunanwa emishango 2 ey’okwiba ebintu ebyateekatekirweho ekirikuhenda ekiragiro ky’okurwanisa obushomankuzi akashororongo aka 21A. 

Omuntu orikusingwa omushango ogu naaba naheebwa ekifubiro ky’okukomwa emyaka 7.

Omushango ogu niguhurirwa omuramuzi wa kooti enkuru erikurwanisa obushomankuzi, Jane Okuo Kajuga. 

Jonathan Muwaganya niwe mutonganiirizi wa gavumenti omu mushango ogu kandi ba puriida abarikujwekyera Minisita Lugoloobi barimu; John Isabirye na Tonny Tumukunde.

Nikigambwa ngu Lugoloobi ahagati y’ebiro 14.07.2022 n’ebiro 28.02.2023 omu sitoowa ya ofiisi y’enganzi y’enganzi y’eihanga omuri Namanve, Mukono disiturikiti n’omu bicweka ebindi nka Matugga omuri Wakiso disiturikiti na Ntenjeru North omuri Kayunga disiturikiti akatwara amabaati 400 agabaire gariho akamanyiso ka “OPM” arikukimanya ngu eki nikiija kufeerereza gavumenti esente nyingi.

#WestUpdates