Minisita w'eihanga ow'eby'esente, Amos Lugoloobi

Enshonga y’amabaati; Okuhurira omushango gwa Lugoloobi tikwabaho

N’ebya Michael Odeng

Okuhurira omushango ahi Minisita w’eihanga ow’eby’esente, Amos Lugoloobi arikujunaanwa okukozesa kubi amabaati g’abantu ba Karamoja tikwabaho ahabw’omuramuzi orikuhurira omushangu ogu kuba atariho. 

Eriizooba, Omuramuzi mukuru owa kooti erikurwanisa obushomankuzi, Abert Asiimwe yamanyisa embaju zombi omu mushango ogu ngu kooti terikwija kuhurira omushango ogu nk’oku Omuramuzi orikuguhurira, Margret Tibulya yaaba atariho.

Ba puuriida abajwekyera Lugoloobi ni John Isabirye na Tony Tumukunde kandi orikujwekyera gavumenti ni Gloria Inzikuru.

Lugoloobi hoona ori Omuny’eishengyero wa Ntenjeru North najunaanwa emishango ebiri erimu okukoresa kubi ebintu by’enyibano.

Orubaju oruhababi nirugira ngu Lugoloobi ahagati y’ebiro 14/7/2022 na 28/2/2023 aha sitoha za Ofiisi y’enganzi y’eihanga omuri Namanve omu disiturikiti ya Wakiso, ishaaza erya Ntenjeru North n’omu disiturikiti ya Wakiso, akakoresa kubi amabaati ga gavumenti.

Ogu nagambwa kuba yayaakiire amabaati 600 omu bicweka bibiri, agabaire gari ag’abantu b’ekyanga ekya Karamoja.

#WestUpdates