Kooti y’ekinyamahe yakyendeeza emyaka y’okukomwa kw’omuserukare wa UPDF...(Photo by Douglas Mubiru)

Kooti y’ekinyamahe yakyendeeza emyaka y’okukomwa kw’omuserukare wa UPDF

N’ebya Douglas Mubiru

Omuserukare w’amahe ga UPDF owabaire acwereirwe okukomwa emyaka 55 omu kooti y’ekinyamahe, akyendereziibweho yaahebwa emyaka 32.

Ceeyamaani wa kooti y’ekinyamahe, Brig. Gen. Robert Freeman Mugabe ahaireyo encwamu y’okukyendeeza emyaka ya LDP Jacob Odong aharwokubanza, 4/3/2024.

Mugabe agiizire ngu Odong naija kukomwa emyaka 32 kandi hoona amuhaire ebiro 14 kuhayo okushaba kwe yaaba atashemereire n’encwamu ya kooti.

Odongo akacwerwa okukomwa emyaka 55 ahabiro 26/4/2023 bwanyima y’okwikiriza omushango gw’obwitsi.

#WestUpdates