Mugabe agarukire yatooranwa kukurira kooti y’ekinyamahe

Mugabe agarukire yatooranwa kukurira kooti y’ekinyamahe
 
N’ebya Margret Zalwango

Purezidenti Yoweri Museveni agarukire yatoorana Brig. Gen. Freeman Robert Mugabe kukurira kooti enkuru ey’ekinyamahe.

Konturakiti y’omwaka gumwe eya Mugabe ebaire ehwaireyo wiiki ehwire.

Ogu nakurira akakiiko k’abantu mushanju b’amahe akarikukora ahamishango erikureetwa omu kooti y’ekinyamahe.

Abandi abatoorainwe ahakiiko ak harimu Col Joseph Ecelare, Lt. Col. Sam Ntugura, Maj. Angella Catherine Laker, Capt. Lucy Nicole Etorol, Capt. Abou Basajjabalaba, W01 Oyar Boris Mark na Col Benard Mugwesigire.

Aba nibaija kuba nibahwerwaho Col Emmanuel David Muhanguzi, Col David Ociiti Kidega, Lt. Col. Patrick Matovu, Lt. Col. Sabasitiano Bbosa, Lt. Col. David Baguma, Maj. Stephen Etumidde, Maj Cyprian Sande Magezi, Maj Jubilee Omax Denis, Capt. Grace Mababazi na Capt. Christine Sayuni 

Tiimu egi hati etegyereize okuraahizibwa kukora emirio yaabo.

#WestUpdates