Purezidenti Yoweri Museveni abugaineho abanyamyooga omu by'entunguuka kuruga Ethiopia aha maka g'obwa Purezidenti, Entebbe. PHOTO by PPU.

N’ebya Beth Akatukunda

ENTEBBE

Purezidenti Yoweri Kaguta Museveni ayakiire abanyamyooga omu by’entunguuka bete (Investors) kuruga omu eihanga rya Ethiopia abaraganiise kwongyera esente omu kitongore ky’eby’oburambuzi omu Uganda.

Museveni agizireho ebigaaniiro na Tadiwos Getachew Belete, Mukuru w’ekitongore ekya Kuriftu Resorts and Spa abamutaayaayire aha maka g’obwa Purezidenti, Entebbe Orwakabiri ebiro 25.06.2024.

Purezidenti agambiire abagyenyi be ngu Uganda n’ensi nung erimu obusingye n’emyanya mingi y’eby’oburambuzi nikwo kushaba abanyamyooga omu by’entunguuka aba kwija bakata sente omu kitongore eki.

Omu bigambo bye, Belete agambiire Museveni ngu ariyo nakora ekirikubasika kyona kureeba ngu bagira omuganda ogubayongyera aha kitongore ky’eby’oburambuzi omu Uganda omuri okutaho emyanya mirungi omu bibira n’omu marindiro g’enyamaishwa batacwekyeriize eby’obuhangwa.

Belete abaire ashendekyereziibwe entumwa ya Ethiopia omu Uganda, Etsegenet Bezabih Yimenu, Adiam Negash- orikujunanizibwa aha by’oburambuzi omuri Ethiopia hamwe na Tigist Bekele, omukuru kuruga aha kitebe kikuru kya Ethiopia.

#WestUpdates