Abashuubuzi bagaruka baakinga amaduuka gaabo ahabw’okworeka obutamarwa bwabo ahanshonga zeine akakwate n’omushoro. Photos by Moses Kigongo.

N’ebya Moses Kigongo

KAMPALA

Abashuubuzi bagaruka baakinga amaduuka gaabo ahabw’okworeka obutamarwa bwabo ahanshonga zeine akakwate n’omushoro na gavumenti kuremwa kukora ahanshonga zaabo.

Abashuubuzi baakinga amaduuka gaabo bwanyima ya gavumenti kuremwa kukora ahanshonga zaabo.

Abashuubuzi bakabanza kukinga amaduuka gaabo ahabiro 15.04.2024 ahabw’enshonga nizo zimwe okuhisya obu Purezidenti yataahire omushonga zaabo akabaraganisa kuzikoraho. 

Aba bakagaruka bayiguraho omu kwezi kwa 5, 2024.

Eriizooba, abashuubuzi bagaruka baakinga amaduuka gaabo omu rurembo Kampala barikworeka obutamarwa bwanyima y’orukiiko rwabo na Purezidenti kwongyezibwayo.

Orukiiko rw’abashuubuzi na Purezidenti rwaba ruri orw’okubaho eriizooba aha kishaayi kya Kololo omuri Kampala.

Abashuubuzi bagaruka baakinga amaduuka gaabo ahabw'enshonga y'omushoro kuremwa kukorwaho.

Purezidenti Museveni akabanza yaraganiisa abashuubuzi kubabugana aha biro 20.06.2024 bwanyima y’okugiraho ekiganiiro n’abashuubuzi aha kishaayi Kololo beitu akongyezayo orukiiko oru bwanyima y’okubuganaho abeebembezi b’abashuubuzi aha maka g’obwa Purezidenti, Entebbe okwezi okuhwaire.

Akashaba kubugana abashuubuzi eriizooba ebiro 31.07.2024 arikugira ngu naija kuba yaatungire rupoota kuruga omu bakuru ahanshonga zaabo.

Ab'eby'okwerinda barikurambura orurembo Kampala bwanyima ya Purezidenti Museveni kwongyezayo orukiiko oru yaaba naaza kugiraho n'abashuubuzi eriizooba ebiro 31.07.2024.

Beitu hoona, orukiiko oru nabwo rwayongyezibwayo kuhisya aha muheru gw’okwezi kwa 8, 2024 Okurugiirira aha butumwa obu yarabya omuri minisita we w’enshonga za Kampala n’emyanya egiheeriire, Hajjati Minsa Kabanda. 

Enshonga eyiyaheerezayo ahabw’enki yayongyezayo orukiiko oru nokugira ngu omwanya ogu orukiiko rwaba niruza kubaho ogwa Kololo guriyo niguhunduuzibwa kandi yabashaba kugumisiriza kuhisya aha muheru gw’okwa 8, 2024 obu omurimo gw’okuhunduuza ekishaayi eki gurikuteekateekwa kuba gwahwire.

#WestUpdates