Owabaireho enganzi y'eihanga erya Kenya, Raila Odinga arikushendekyereza Purezidenti Yoweri Museveni kugaruka omu Uganda kuruga Nairobi. PHOTOs by PPU.

N’ebya Beth Akatukunda

ENTEBBE

Purezidenti Yoweri Kaguta Museveni omu kasheeshe k’eriizooba yagaruka omu Uganda bwanyima y’okuhenderagye orutaayaayo rwe rw’ebiro 3 omu rurembo orwa Nairobi omu eihanga erya Kenya.

Omu rutaayaayo rwe, Purezidenti Museveni agizireho enkiiko na Purezidenti wa Kenya, William Ruto ahi baganiire aha nshonga nyingi ezirimu okukwatanisa n’okuhamya omukago ahagati y’amahanga aga 2.

OWabaireho enganzi y'eihanga erya Kenya, Raila Odinga arikushendekyereza Purezidenti Yoweri Museveni kugaruka omu Uganda kuruga Nairobi.

Museveni na Ruto nabwo bagizireho ebiganiiro n’abandi bakuru kuruga omu gavumenti z’amahanga aga 2.

Aba baganiire aha nshonga z’okukwatanisa omu bitongore bitari bimwe omuri eby’entambura, eby’obushuubuzi n’amakorero, eby’obufuruki, eby’okwerinda, okurwanisa ebikorwa by’obuzahambuki hamwe n’okukwatanisa kw’amahanga ga East Africa.

Aha kishaayi ky’enyonyi ekya Jomo Kenyatta International Airport omuri Nairobi, Purezidenti Museveni yasiiburwa Hon. Raila Odinga n’abandi bakuru omu gavumenti ya Kenya.

Abeeshongozi barikusibura Purezidenti Yoweri Museveni aha kishaayi ky'enyonyi ekya Jomo International Airport arikugura omuri Kenya bwanyima y'okuhendera orutaayaayo rwe.

Ku yahika aha kishaayi ky’enyonyi ekya Entebbe International Airport, Purezidenti Museveni yaayaakirwa mukuru w’ekitongore ky’enshonga z’abakozi kandi omuhandiiki wa kabineti- Lucy Nakyobe, omuhwezi w’omuduumizi w’amahe ga Special Forces Command (SFC), Brig. Gen. Charity Bainababo, n’abandi baingi.

Museveni arikuruga omu rutaayaayo rwe omuri Kenya.

Museveni arikuruga omuri Kenya kandi yaayaakiirwa omuhandiiki wa kabineti, Lucky Nakyobe.

Museveni arikuruga omuri Kenya kandi yaayaakiirwa omuhandiiki wa kabineti, Lucky Nakyobe.

#WestUpdates