Atingi-Ego na mukuru wa Petroleum Authority of Uganda, Ernest Rubondo bashabire za banka zitari zimwe okwongyera kuta esente omu kyanga eki. Photo by Ambrose Nuwagaba Katooto.

N’ebya Ambrose Nuwagaba Katooto

BUNYORO

Omuhwezi wa mukuru wa Banka ya Uganda, Dr. Michael Atingi-Ego naagira ngu esente eziriyo nizejunisibwa omu by'okuteebeekanisa emirimo y’okutimba amajuta omu kyanga ekya Bunyoro zihweriire eihanga okuta omunteeko eby'okuhindura esente za Dollar.

Okugamba ebi n’obu abaire narambura emirimo y'okuteebekanisa okutimba amajuta omu kyanga eki akwataniise na mukuru wa Stanbic bank omu eihanga, Anne Jjuuko na Mukuru w’ekitongore eky’amajuta ekya Petroleum Authority of Uganda, Ernest Rubondo.

Atingi-Ego nashoborora ngu eihanga kuriratandikye kushohoza amajuta nikiija kwongyera omuhendo gw’esente ya Uganda omu kuzihanisamu eza Dollar.

Atingi-Ego na mukuru wa Petroleum Authority of Uganda, Ernest Rubondo bashabire za banka zitari zimwe okwongyera kuta esente omu kyanga eki.

Zakaliya Lubega, omukozi omu kampuni ya China National Offshore Oil Corporation erikuteebekanisa eby'okutimba amajuta aga Kingfisher Oil Development Field naagira ngu hati bari aha bucweka 53 ahari 100.

Lubega nayongyeraho ngu hati baherize okubomora ebiina 3 by’amajuta omu kirombe kya Well Pad 3 kandi bariyo nibaza kubomora omu kirombe ekya Well Pad 2.

Uganda neteekateekwa kutandika kushohoza amajuta omu mwaka gwa 2025.

#WestUpdates