Omugyenzi amanyirwe nka; PPC Ibrahim Mwesigwa. Photo by Samuel Nkuba.

N’ebya Omushaki weitu

KALANGALA

Ekyekango n’okutiina bishwekire Pooriisi ya Kalangala bwanyima y’omwe omu ba Pooriisi baayo kugwa omu Nyanja ya Victoria akafeeramu obu ari aha kwega okubarikuvuga eryaato.

Omugyenzi amanyirwe nka; PPC Ibrahim Mwesigwa.

Mwesigwa, abaire nakora na Pooriisi eya Bwendero Police Station omugomborora eya Bujumba omu disiturikiti eya Kalangala.

Okurugiirira ahari rupoota ya Pooriisi, omugyenzi hamwe na mutaahi we Godfrey Waiswa, babaire nibakuma eryaato erya UNRA vessel MV BBB ahari Nkuusi.

“Ahari shaaha 11 z’omwebazyo (Orwakataano) ebiro 20.12.2024, ababiri aba bakwatsire ebishumurizo by’eryaato nikwo kuza kwega okubarikurivuga beitu eky’obusaasi, baremirwe kukyendeeza sipiidi nikwo kutomera eryaato eri babaire nibakuma, Mwesigwa akafeeraho.

Twaha Kasirye, Omugambirizi wa Pooriisi ahabw’ekyanga ekya Masaka ahamize amakuru g’okufa kwa mutaahi waabo.

Twaha naagira ngu okuronda omutumbi gw’omugyenzi kuriyo nikugyenda omu maisho.

#WestUpdates