Omukazi aitsirwe ab’emihoro omuri Hoima.

N’ebya Peter Abaanabasazi

HOIMA

Abatuura b’omu kyaro kya Nyakaihura omu gomborora eya Buraru omu disiturikiti eya Hoima bari omu kutiina n’okwerarikirira bwanyima y’okutaahirirwa abainazi ab’emihoro abaitsire omuntu omwe bakahutaaza n’abandi 3.

Abatuura b’omu kyaro kya Nyakaihura omu gomborora eya Buraru omu disiturikiti eya Hoima barikureeba omutumbi gwa Mary Pasca oitsirwe abainazi.

Omugyenzi amanyirwe nka Mary Pasca, 32 kandi abahutiire abarimu Ntegeka Kusima, 18, Ronald Odaga 21hamwe na Harriet Mongeni, 17 bariyo nibaragurirwa ah’eirwariro.

Harriet Mongeni, 17 omwe aha bahutiire ari omu eirwariro. Photo by Peter Abaanabasazi.

Abainazi aba nabwo baibire esimu ya Ronald Odaga ekigyemesereize abatuura kwerundana bwanyima y’okuteera enduuru. 

Ekikorwa eki kibaireho Orwakana ebiro 14/12/2023 shaaha nka 4 z’ekiro okurugiirira aha batuura.

Ceeyamaani w’ekyaro kya Nyakaihura, Festus Kwesiga naagira ngu omugyenzi abaire nateeraho kuhunza agye nikwo abainazi kumutaahirira arikuza omu maka g’abazaire be bakamwita arikuza kuhika omu ka tauni ka Nyakaihura. 

Nakyoreka ngu omugyenzi abaire naruga omu katare ka Kisarizi omuri Masindi.  

Odaga naagira ngu abaire aine shiringi 250,000 ezitwirwe abainazi abamutaahiriire.

Julius Hakiza, Omugambirizi wa Pooriisi ahabw’ekyanga ekya Albertine ahamize amakuru aga arikwongyeraho ngu Pooriisi etandiikire kucondooza.

#WestUpdates