Tumusiime naagira ngu abarikuteekateekwaho ababaire baine omuhoro nabwo baibire esimu y’owa boda-boda oretsire omugyenzi omuri Mitooma barikwenda ngu atateerera Pooriisi.

N’ebya Bruno Mugizi

MITOOMA

Pooriisi omu disiturikiti ya Mitooma eriyo nehiiga omufumu orikugambwa kuba ahiire obutwa kasitoma we akafa.

Martial Tumusiime, Omugambirizi wa Pooriisi ahabw’ekyanga ekya Bushenyi empango naagamba omugyenzi nka; Emmanuel Nshimeyimana, 45, omutuura w’omu kyaro ekya Nyamwegabira omu disiturikiti eya Kakumiro.

Nshimeyimana nagambwa kuba ahairwe obutwa omufumu omanyirweho erya Kabyogamu ryonka ow’omu kyaro ekya Butagasi omu gomborora eya Mitooma.

Nikigambwa ngu aharwakashatu, omugyenzi arugire omu makagye omuri Kakumiro n’omukazi we bari aha piki ebaire neevugwa Mukisa Patrick kandi bahikiire omuri Mitooma ahi babaire nibenda ngu abafumu bamugambire abashuma abahenzire eduuka ye bakamwiba.

Aba bahendire bagiire omu maka ga Kabyogamu omuhiire eky’okunywa ekiteekateekirwe kuba kibaire kirimu obutwa obuzengyereize Nshimeyimana kandi afeereire omu maka ga Kabyogamu aga kabiri.

Nikigambwa ngu nyakuteekateekwaho (Omufumu) n’abandi bantu 2 abakiburize amaisho bakwatsire omutumbi gw’omugyenzi bagunaga aha rubaju rw’enguuto omu tauni kanso ya Kashenshero. Okucondooza okwahikireho nikworeka ngu omufumu n’abandi bantu 2 abakibuzire baihire aha mugyenzi shiringi 500,000 barikugira ngu nibeija kumugambira ohenzire eduuka ye bakamwiba.

Tumusiime naagira ngu abarikuteekateekwaho ababaire baine omuhoro nabwo baibire esimu y’owa boda-boda oretsire omugyenzi omuri Mitooma barikwenda ngu atateerera Pooriisi.

Omutumbi gw’omugyenzi gutwirwe omu kabafu ah’eirwariro erya Kitagata kukyeberwa obwo okucondooza kurikugyenda omu maisho.

#WestUpdates
#RadioWestAt25