Omushaho akwatsirwe ahabw’okuhamba omukazi w’enda- Rukiga.

N’ebya Omushaki weitu

RUKIGA

Pooriisi omu disiturikiti eya Rukiga ekwatsire omushaho w’emyaka 38, Darius Orikiriza ahabw’okugambwa kuba ahambire omukazi w’enda w’emyaka 20 obaire agiire kukyebeza enda.

Omugambirizi wa Pooriisi ahabw’ekyanga ekya Kigezi, Elly Maate, yaagamba owakwatwa nka; Darius Orikiriza, enrolled nurse ah’eirwariro erya Mparo health Centre IV orikutuura omu maju g’abashaho b’eirwariro eryo orikugambwa kuba ahambire omukazi w’enda y’ameezi 7.

Omukazi ogu naagambwa kuba abaire ayohereziibwe aha mushaho ogwo kumuta omu ka tiivi (scan).

Maate naagira ngu nyamukazi ku ahikireho kumuheereza obuheereza bwa scan, nyamushaho yamuragiira kwajuura ebijwaro bye kandi omu mwanya gw’okumukoraho ebya scan atyo yamuta omu by’okuteerana nawe kifuba.

Nayongyeraho ngu omuakzi ahikire namanyisizaho orikukurira eirwariro eri oizire akamanyisa Pooriisi ahi aba Pooriisi bizire bakahika aha mwanya kucondooza ekyabaho.

Bwanyima y’okukwatwa, abashaho baihire eshagama aha mukazi hamwe n’omushaho orikugambwa kuba ahambire kukyebera DNA. 

Omushaho orikugambwaho ahambire omukazi w’enda naagambwa kuba natuura n’akakooko ka sirimu.

Maate naagira ngu okucondooza omu nshonga egi kuriyo nikugyenda omu maisho.

#WestUpdates