Omu pooriisi Michael Rutemba, 58 otoomirwe akafeeraho..(Photo by Bruno Mugizi)

Omushaija akwatsirwe ahabw’okutomera omu pooriisi akamwita – Sheema

N’ebya Bruno Mugizi

Pooriisi omu disiturikiti ya Sheema ekwatsire omushaija w’emyaka 40 ahabw'okutomera omu Pooriisi akafeeraho.

Omugambirizi wa pooriisi ahabwa Bushenyi empango, Martial Tumusiime yahaamya amakuru aga kandi yagamba okwatsirwe nka Kamugisha Benson ow'emyaka 40 omutuura wa Nangabo, Kasangati omu disiturikiti ya Wakiso.

Butandu egi ebireho nyomwebazyo shaaha 11:30 z'akasheeshe ahari Mabanga cell, omu divijooni ya Kabwohe, Munisiparite ya Sheema aharuguuto orwa Mbarara- Ishaka, obu omuvugi w'emotoka ya Toyota fielder namba UBH 775M atomiire omu pooriisi Micheal Rutemba, 58 obeire navuga piiki y’ekiika kya bajaj boxer namba UEN 665T akafeeraho.

Martial Tumusiime yaayegyekyerera ekiretsireho butandu okuvugisa ekimama kw'omuvugi wa motoka.

Omubiri gw'omugyenzi gutwirwe ah’eirwariro rya Kabwohe health centre IV kukyeberwa obwo okucondooza kurikugyenda omumaisho.

#WestUpdates