Martial Tumusiime naagira ngu okucondooza kuriyo nikugyenda omu maisho.

N’ebya Bruno Mugizi

BUSHENYI

Pooriisi omu disiturikiti eya Bushenyi eriyo necondooza omuringo ogu Mathias Muller, 46, enzaarwa y'eihanga rya Germany afiiremu.

Muller afeereire ah’eirwariro erya KIU Ishaka omuri Bushenyi Ishaka Munisiparite nyomwebazyo Orwakana ebiro 27.03.2025 shaaha 9 z’eihangwe.

Martial Tumusiime, Omugambirizi wa Pooriisi ahabw’ekyanga ekya Bushenyi empango yahamya amakuru aga. Yagira ngu Muller ahu afeereire, ababaire aizire omu disiturikiti ya Rubirizi kutaayaayira munywani we Sam Mugisha Kadingidi omutuura w’omukyaro kya Kyenzaza omuri Rubirizi.

Ahabiro 18.03.2025, Mugisha akareeba Muller yabura amaani ahabw’orukoororo oru yabaire aine kandi akaba atarikumira mubazi gwona nikwo kusharamu kumutwara ah’eirwariro erya St. Benjamin Diagnostic Centre Kyenzaza omuri Rubirizi kumuraguriza. 

Ku baahikireho, embeera ya Muller ekeyongyera kuba mbi nikwo kumwoheereza ah'eirwariro erya KIU Ishaka ahi akyebiirwe akashangwa n’endwara y’ekookoro y’omubihaaha.

Eky’obusaasi, embeera egumire neeba mbi kuhisya Orwakana obu arugire omu magara g’ensi egi.

Martial Tumusiime naagira ngu okucondooza kuriyo nikugyenda omu maisho.

#WestUpdates