Pooriisi nehiiga omushaija ahabw’okwita mukama we- Kasangati.

N’ebya Rebecca Kyobutungi

KASANGATI

Pooriisi omuri Kasangati eriyo necondooza oku omushaija arikugambwa kuba yayita mukama we omu kasheeshe k’eriizooba.

Owaitwa yamanywa nka; Mercy Aturinda, 37, omutuura w’omu kyaro kya Manyangwa omu gomborora eya Gayaza omu disiturikiti eya Wakiso.

Pooriisi negira ngu nyakuteekateekwaho owamanywa nka Brian Tuhamire yaabuza amaisho.

Tuhamire akatandika kukora omu ikanikiro rya Aturinda eririkushangwa omu kyaro kya Manyangwa aha kutandika k’omwaka ogu okurugiirira ahari murumuna w’omugyenzi, Jackline Arinitwe.

Arinitwe naagira ngu Tuhamire nagambwa kuba abaire yatandika kukunda mukama we omu bya rukundo ekintu kandi mukama we ayangire okushaba kw’omukozi we.

Naagira ngu Aturinda abaire yaaherize kureeba empinduka aha ku omukozi we abaire namutwariza n’emicwe ei abaire namworeka.

Ahari shaaha nka 7 buri kusheesha eriizooba, Arinitwe yaagira ngu yatunga esimu erikutiinisa kuruga owa mukuru we kandi yaahurira amaraka g’abantu bari nk’abarikurwana nikwo kumanya ngu Aturinda yaaba atari wenka.

Bwanyima y’eshaaha nkye, ab'eka ya Aturinda baakyera aha garage kuza kuronda Aturinda bwanyima y’okuteera esimu ze atarikuzikwata kandi bashanga atariho. Aba bagumizamu baza omuka owe ahi bashanga pillow emushwekire aha maisho afiire.

Esimu ye yaaba etariho kandi ebaire eriho esente ezitarikumanywa muhendo.

Ab'eka bayeta Pooriisi eyahika aha mwanya ekatwara omutumbi gwe omuk'abafu ah’eirwariro erya Mulago omuri Kampala kukyeberwa.

Tuhamire ariyo nahiigwa Pooriisi ahabw’okugambwa kuba aine akakwate n’okufa kwa Aturinda. Pooriisi ya Kasangati eriyo necondooza enshonga egi.

Omuhwezi w’omuduumizi wa Pooriisi ahabw’ekyanga ekya Savannah, Micheal Kasigiire ni munyanya w’omugyenzi.

#WestUpdates