Purezidenti n'abaramuzi abarahiziibwe aha State House, Entebbe....(Photo by PPU)

Purezidenti Museveni arahiize abaramuzi 11 basya aba kooti enkuru

N’ebya Omushaki Waitu

Purezidenti Yoweri Museveni nahabura abaramuzi abasya omu kooti enkuru kugira amazima n’oburingaaniza ahamirimo yaabo.

Ebi Purezidenti Museveni abigambire nyomwabazyo obu abaire akuriire omukoro gw’okuraahiza abaramuzi basya 11 aba kooti enkuru omu maka gye g’obwa Purezidenti omuri Entebbe.

Abarahiziibwe harimu Flavia Nabakooza, Philip Willebrord Mwaka, Amos Kwizera, David Samson Lwokya Makumbi, Dr Christine Akello Echookit, Jamson Karemera Karemani, Jacqueline Mwondha, Aisha Naluzze Batala, Rosette Comfort Kania, Patience Emily Tumusiime Rubagumya, na Farouk Lubega. 

Okurahiiza abaramuzi abasya aha State Hose Entebbe nyomwabazyo

Purezidenti abagizire ngu n’omugisha gwabo murungi beitu arikubahabura obutakora enshobi ahabw’okutunga obwebeembezi.

Beitu hoona agarukire yahaamiza ekitongore ekiramuzi ngu ekigyendererwa ky’okutunga abakozi barikumara kubaasa kuheereza gye abanya Uganda boona, nikija kuhikirira. 

Ishe-abaramuzi, Alfonse Owiny-Dolo..(Photo by PPU)

Ishe-abaramuzi w’eihanga, Alfonse Owiny-Dollo asiimire Purezidenti Museveni ahabw’okutunguura eby’oburamuzi obwo arikubongyera abaramuzi 11 abandi.

Kiryowa Kiwanuka, Attorney General n'abandi bakuru abahikire ahamukoro ogu

Aharubaju orwe, Minisita w’eby’oburamuzi n’enshonga z’engyenderwaho y’eihanga, Norbert Mao agiizire ngu okutooranwa kw’abaramuzi abasya nikija kuhwera okuhitsyaho oburingaaniza omu eihanga.

Omukoro ogu guhikirweho Omuhwezi w’ishe abaramuzi, Richard Buteera, Omutonganirizi mukuru wa gavumenti, Kiryowa Kiwanuka, Karani mukuru w’ekitongore eky’oburamuzi, Sarah Langa Siu n’abandi bakuru kuruga omu kakiiko aka Judicial Service Commission.

#WestUpdates

Omwe ahabaramuzi abarahiziibwe..(Photo by PPU)

Omwe ahabaramuzi abarahiziibwe..(Photo by PPU)

Omwe ahabaramuzi abarahiziibwe..(Photo by PPU)