Purezidenti Museveni yaakuza aba pooriisi barikurenga 1,600

Purezidenti Museveni yaakuza aba pooriisi barikurenga 1,600 

N’ebya John Odyek

Purezidenti Yoweri Museveni kandi hoona ori Omuduumizi mukuru w’amahe g’eihanga yaakuza aba pooriisi 1,638.

Amakuru aga gaahamibwa Minisita w’enshonga z’omunda y’eihanga, Gen. Kahinda Otafiire.

Aba pooriisi aba baakuzibwa kuza aharurengo rwa SCP, CP, ACP, SSP, SP na ASP.

Bamwe ahabaakuzibwa harimu SP Kasigire Micheal owatunga obwa SSP, SP Ahimbisibwe Fred Muchanga nawe owatunga obwa SSP n’abandi.

Omukoro ogu ogwaba ahakitebe kikuru kya Minisiture y’enshonga z’omunda y’eihanga gwakurirwa omuhwezi wa mukuru wa pooriisi, Maj. Gen. Geoffrey Tumusiime Katsigazi.

Gen. Otafiire yaagira ngu aba baakuzibwa ahabw’okukoragye emirimo yaabo nikwo kubashaba okugumizamu n’emicwe.

#WestUpdates