Aba Rotary Club eya Mbarara barikutongoza okwiruka okwa Rotary Cancer Run. PHOTO: Adolf Ayoreka.

N’ebya Adolf Ayoreka 

MBARARA

Rotary club zoona ez’omuri Burengyerwa- Izooba  batongozaho okwiruka kw’omwaka okurikumanywa nka Rotary cancer run okugyendereire kurundaana esente z’okugura ebyoma by'okuragurira ekokooro.

Omwaka ogu, Rotary club zoona ez’omu eihanga ziine ekigyendererwa ky’okurundaana shiringi biriyooni 2 kuruga omu kwiruka oku.

Aba Rotary Club barikutongoza okwiruka aha Rotary House omu Kiyanja, Mbarara. PHOTO: Adolf Ayoreka.

Omukoro gw’okutongoza okwiruka oku gwakorerwa aha Children Peace Park (CPP) Rotary house omuri Mbarara.

David Musinguzi, Ceeyamaani wa Cancer Run egi naagira ngu ogu n’omurundi gwa 12 barikwiruka kurwanisa ekokooro kandi naagira ngu babaasize kwombeka woodi y’abarwaire b’ekokooro ah’eirwariro erya Nsambya omuri Kampala hamwe n’ebindi bintu.

Bakuru ba Rotary Club eya Mbarara barikutongoza okwiruka aha Rotary House omu Kiyanja. PHOTO: Adolf Ayoreka.

Naagira ngu omwaka ogu, Rotary Club zoona omu eihanga ziine kureeba ngu zaarundaana shiringi biriyooni kubaasa kugura ebyoma by’okuragurira abarwaire b’ekookoro byagurwa.

Bridget Asiimwe, kuruga omu Rotary Club eya Mbarara East naahiga abakazi kuguma nibekyebeza endwara y’ekokooro y’omunwa gwa nyinenda obutoosha.

Aba Rotary Club eya Mbarara barikutongoza Cancer Run aha Rotary House omu Kiyanja. PHOTO: Adolf Ayoreka.

Okwiruka oku nikwija kubaho ebiro 27.08.2023 omu eihanga ryona kandi omuri Mbarara nikwija kuba aha Rotary House omu Kiyanja.

#WestUpdates